佘詩曼（阿佘）、林峯、黃浩然、羅子溢、陳靜、梁靖琪（Toby）、劉江、余安安、張鳳妮、梁諾妍等一眾電視劇《家族榮耀之繼承者》演員，日前聯同寰亞電視節目製作（香港）有限公司高層梁家樹及陳德修、監製暨導演蔡晶盛和導演陳新俠舉行慶功宴，慶祝劇集首集收視火速報捷，並一直穩坐內地熱搜平台港劇第一位；梁家樹更於晚宴上感謝台前幕後的努力。適逢上月28日是阿佘的49歲生日，林峯席間捧出粉紅色大蛋糕與全場大合唱生日歌，令壽星女非常驚喜，笑眼瞇瞇地合十許願，而安安姐、張鳳妮和Toby等上前擁抱送祝福。
阿佘、林峯和浩然在劇中的三角愛情關係令人看得牙癢癢，最新劇情要坐冤獄的阿佘笑說：「雖然坐監，但有兩位護花使者喺我身邊，其實都幾幸福，而這段三角愛情線發展亦會非常緊張。」浩然打趣謂：「我記得，好似一出獄即刻又搵我借錢！」談及周旋於兩位型男之間的阿佘應如何選擇，浩然笑說：「我老婆話梗係揀我，唔通揀阿峯咩？」林峯贊成：「我都係咁揀，我老婆都係咁講！」再取笑浩然戲中角色對阿佘非常豪爽，尤如是提款機。浩然續謂：「不過，如果我係阿佘，我會揀林峯，愛情係無原因。況且，嚟緊我同阿佘終於唔使淨係講錢，佢將有一場好情深嘅表白，好好睇。」林峯則透露自己的角色將面臨重大危機，幸得有阿佘在身邊陪伴，搞到浩然不是味兒說：「扮可憐！」
子溢、陳靜和Toby就自言是劇中「動作擔當」，子溢更自爆網上新封號「丘家唯一男孫」令他啼笑皆非。Toby搶說：「我以為你叫『渣男』！而我喺劇中好多動作戲，落水、跑沙灘、俾人打，女仔之中我算係俾人打得最多。」Toby還扁嘴指後空翻跌落海的一幕，子溢不斷的哈哈狂笑；並透露自己的角色將會走向令人心酸，而子溢就好衰、好「克人憎」。子溢坦言因劇中角色步入魔化，將會真正出手，害人兼害己。至於劇中與梁諾妍和王敏奕皆有親熱場口艷福無邊，子溢笑謂：「我係愛情動作組，有啲經驗咁啦，能令對手舒服啲，冇乜戒心，可以放鬆，不過我都有俾人打。」問到有否與老婆楊茜堯一起看這些親熱戲？他古古惑惑笑說：「呢啲時候梗係走啦！啱啱嗰段時間幫小朋友沖涼，其實我有俾啲短片佢睇，佢睇完都『咦～』！」子溢再笑說：「我膝頭哥損晒，仲未好返！」重提早前阿佘和和林峯網上直播時，將子溢與王敏奕劇中激咀場面給楊茜堯看，令楊茜堯大叫及笑言要子溢回家跪玻璃。陳靜指因有一些手部動作戲所以可擠身動作組，對於劇中「老公」許紹雄獲網民封為「暖男天花板」，她稱二人戲裏戲外都非常Sweet，合作很愉快，因對方很會照顧人；怎料子溢笑謂：「起居飲食你都照顧埋？好入戲喎！俾我揀，我都揀做許紹雄個角色！」
來源：香港文匯報訊記者 子棠
責任編輯：張岩
