香港文匯報訊（記者 梁靜儀）樊亦敏獲封「啱數版何太」，被網民笑指煲湯送首飾情節與《東張西望》何伯何太風波神巧合; 冼靖峰被臨時加插着縮水小背心場口晒爆肌搶Fo兼意外露點，Archie告誡自己隨時Ready好身材。
近日何伯何太的「忘年戀」，成為全城熱話，無獨有偶正在播出的劇集《神耆小子》，劇中鄭則仕(錢大海)亦有紅顏知己樊亦敏(洪玫瑰)和親生仔女「爭產風波」，再加上玫瑰對錢大海照顧周到，煲湯、煲粥、整糖水、焗蛋糕全部做齊，而對玫瑰錫到燶的大海又大送首飾，被網民笑指劇情「神巧合」《東張西望》何伯何太風波，而飾演「玫瑰姐」的樊亦敏並獲封「啱數版何太」，對此她笑說：「首先多謝大家咁記得我呢個角色，其實玫瑰同大海係咪真愛，大家睇到落最尾就自然有分曉㗎喇，其實我同佢有段好浪漫嘅往事就播，大家密切留意呀。」
而「演戲初哥」冼靖峰( Archie)穿上「縮水小背心」，露出胸肌和麒麟臂，及被蕭正楠意外扯爆小背心意外露點的場面亦十分爆笑。Archie直言穿小背心場口是臨時加插：「所以事前冇專登操Fit，係臨拍嘅時候先話不如着件小背心玩吓，知道要着小背心都即刻做咗幾吓掌上壓，但都冇乜用，從嗰日開始我同自己講，一定要所有嘢隨時Ready，唔止淨係演技，身材都要Ready！」Archie又露因為件小背心得一件，所以得一次扯爛機會，爛咗就冇第二件，拍的時候有傾過怎樣扯爛件小背心，但就冇傾扯爛之後會發生甚麼事，當時已經是拍攝的中後段，他和蕭正楠都好相信大家，所以扯爛之後的反應是最真實。
責任編輯： 張岩
贵公网安备52011302005168号