經過三年嘅疫情，行動部周年會操終於返嚟啦！近300名成人長官同埋學員今日（17日）下晝冒着寒冷天氣警告，整齊咁排列響位於九龍灣香港輔助警察隊總部嘅操場上，接受檢閱嘉賓保安局局長鄧炳強先生GBS PDSM JP嘅檢閱。
局長今日致辭訓勉學員嘅時候提出咗三點希望，包括要有擁抱夢想嘅決心、要有一飛沖天嘅幹勁，同埋要有貢獻國家嘅理想。佢仲提到近日國產客機C919同埋ARJ21訪問香港，鼓勵年輕學員要加強認識國家，從中把握機遇，為國家貢獻應有力量。相信各位學員一定會銘記在心，努力學習，從而日後貢獻社會、報效祖國。
今日嘅嘉賓陣容鼎盛，除咗局長外，更加有米高嘉道理爵士、政府飛行服務隊總監胡偉雄機長、立法會議員陳克勤、李惟宏、郭玲麗及黃俊碩，同埋圓玄學院主席陳國超。
香港航空青年團來年就會正式加入保安局大家庭，成為政府飛行服務隊轄下青少年團體。相信響政府嘅支援下，我哋嘅學員一定會有更加多發展機會，日後無論響航空界抑或係社會其他崗位上面盡展所長。
責任編輯： 孫佳藝
贵公网安备52011302005168号