CCTV news៖ យោងតាមស្ថានទូតចិនប្រចាំកម្ពុជា នៅថ្ងៃទី១២ ខែកក្កដា គ្រូពេទ្យស្រីជនជាតិចិនម្នាក់បានស្លាប់នៅក្នុងគ្លីនិកមួយកន្លែងក្នុងសង្កាត់ឡាងហ្គោ រាជធានីភ្នំពេញ ប្រទេសកម្ពុជា។ស្ថានទូតចិនប្រចាំនៅកម្ពុជា យកចិត្តទុកដាក់យ៉ាងខ្លាំងចំពោះបញ្ហានេះ ដោយបានចរចាជាបន្ទាន់ជាមួយអគ្គស្នងការដ្ឋាននគរបាលកម្ពុជា និងស្នងការដ្ឋាននគរបាលរាជធានីភ្នំពេញ ដើម្បីពិនិត្យស្ថានការណ៍ និងជំរុញឱ្យភាគីកម្ពុជាស្វែងរកការពិតនៃករណីនេះឱ្យបានឆាប់តាមដែលអាចធ្វើទៅបាន ខិតខំប្រឹងប្រែងតាមចាប់ខ្លួនជនល្មើសមកផ្តន្ទាទោសតាមច្បាប់ និងការពារសុវត្ថិភាពអាយុជីវិតប្រជាពលរដ្ឋចិនឱ្យមានប្រសិទ្ធភាព។
ស្ថានទូតកម្ពុជាបានទំនាក់ទំនងជាមួយក្រុមគ្រួសាររបស់ពលរដ្ឋចិនដែលត្រូវបានគេសម្លាប់ដោយសម្តែងការចូលរួមរំលែកទុក្ខយ៉ាងជ្រាលជ្រៅ ជួយយ៉ាងពេញទំហឹងនៅពេលក្រោយ ហើយនឹងតាមដានដំណើរការនៃសំណុំរឿងនេះឲ្យបានដិតដល់។
ស្នងការដ្ឋាននគរបាលរាជធានីភ្នំពេញបានបញ្ជាក់ថាថ្ងៃនោះបានចាប់ខ្លួនជនសង្ស័យជាជនជាតិខ្មែរម្នាក់ហើយកំពុងចាត់ការតាមច្បាប់ហើយនឹងមានវិធានការការពារអាយុជីវិតនិងទ្រព្យសម្បត្តិរបស់ពលរដ្ឋចិនឲ្យមានប្រសិទ្ធភាព។
